Կենտրոնական ընտրական հանձնաժողովն այսօրվա նիստի արդյունքում բավարարել է Գորիս համայնքի ղեկավար Առուշ Առուշանյանի նկատմամբ քրեական հետապնդում հարուցելու և նրան ազատությունից զրկելուն համաձայնություն տալու դատախազության միջնորդությունները։ Այս մասին ֆեյսբուքյան իր էջում հայտնել է գլխավոր դատախազի խորհրդական Գոռ Աբրահամյանը։

Վերջինիս փոխանցմամբ՝ որոշումը կուղարկվի Հատուկ քննչական ծառայություն՝ դրանից ածանցվող՝ մեղադրանքի առաջադրման և այլ դատավարական գործողությունները կատարելու։