Կառավարությունն այսօրվա՝ հուլիսի 15-ի նիստում սահմանել է նախադպրոցական ուսումնական հաստատությունների` պետական բյուջեից մեկ սանի հաշվարկով ֆինանսավորման կարգը։

Մշակվել է նախադպրոցական ծառայությունների հասանելիության ապահովման համար պետբյուջեից ֆինանսավորման հատկացման փուլային մոտեցում։ Առաջնահերթության իրավունքից կօգտվեն առաջին կամ երկրորդ կարգի հաշմանդամություն, երեք և ավելի երեխա ունեցող երեխաները, ինչպես նաև զինծառայող ծնողի երեխաները, կրթության և զարգացման առանձնահատուկ պայմանների կարիք ունեցող և ընտանեկան նպաստ ստացող համակարգում հաշվառված ընտանիքների երեխաները։

«2022թ․ սեպտեմբերի 1-ից հնարավորություն ենք ստեղծում, որպեսզի դաստիարակ-ուսուցիչների աշխատավարձերի որոշակի բարձրացում տեղի ունենա։ Հիմա առաջարկում եմ, որպեսզի հատվածական չգործենք՝ պայմանավորվենք, որ աշխատավարձի բարձրացումը տեղի է ունենալու ատեստավորումից հետո։ Այսինքն՝ բարձրացնելու ենք միայն այն ուսուցիչ-դաստիարակների աշխատավարձը, որոնք անցած կլինեն ատեստավորում և հաստատած կլինեն իրենց որակավորումը»,- խոսելով որոշման մասին՝ նշեց վարչապետի պաշտոնակատար Նիկոլ Փաշինյանը։

Լուսանկարը՝ կառավարության մամուլի ծառայության