«Ընտրության գնացողների մեջ կա մի խումբ, որը նյութական խրախուսման դեպքում իր ձայնը կտա կամայական թեկնածուի կամ կուսակցության, բայց դա չի կարող ազդել ընդհանուր պատկերի վրա, ինչը համարում եմ ժողովրդավարական ձեռքբերում»,-այսօր կայացած ասուլիսում հայտնեց սոցիլոգ Ահարոն Ադիբեկյանը: 

Ըստ նրա հաշվարկների, որոնք իրականացվում են տասներկու տարբեր չափորոշիչներով, ընտրողների 2/3-ն արդեն հստակ գիտի, թե ում օգտին է քվեարկելու, իսկ 1/3-ն ընդհանրապես ընտրության չի գնա: 

Բանախոսը համոզված է, որ մեր երկրում կանայք 30-35 տարեկանից հետո են սկսում իրենց մեջ ընտրողի հոգեբանություն և քաղաքական կողմնորոշում ձևավորել, իսկ տղամարդիկ այդ հատկությամբ «օժտվում» են 18 տարին լրանալուն պես, երբ ձեռք են բերում ընտրական իրավունք: