«Հայաստան» համահայկական հիմնադրամը Արցախում մեկնարկել է լայնածավալ բնակարանաշինության ծրագիր։ 

Հիմնադրամի պաշտոնական կայքի փոխանցմամբ՝ առաջին փուլով նախատեսվում է կառուցել 817 բնակարան և 290 տուն, որի համար հատկացվել է 58 մլն 398 հազար ԱՄՆ դոլարին համարժեք դրամ։ Նշված գումարը հավաքագրվել է «Մենք ենք մեր սահմանները» դրամահավաք միջոցառման շրջանակներում՝ մասնավորապես հիմնադրամի ԱՄՆ-ի, Ավստրալիայի, Ֆրանսիայի և Տորոնտոյի տեղական մարմինների ջանքերով։

Բնակարանների և շենքերի մի մասը շահագործման կհանձնվի մինչև տարեվերջ՝ բնակարաններով ապահովելով Շուշիից և Հադրութից տեղահանված 457 ընտանիքի՝ Ստեփանակերտում և Իվանյան համայնքում։