Կառավարությունը 8․9 մլրդ դրամ կհատկացնի 50․7 կմ ավտոճանապարհների հիմնանորոգման համար։ Ավտոճանապարհներից 44․9 կմ միջպետական նշանակության է, 1․7 կմ՝ հանրապետական, 4․19 կմ՝ մարզային։

Նիկոլ Փաշինյանը նշեց, որ խոսքը Երևան-Երասխ-Գորիս-Մեղրի-Իրանի սահման միջպետական նշանակության ավտոճանապարհի, Սևան-Մարտունի-Գետափ միջպետական նշանակության, «Մոտեցում Խոր Վիրապին» հանրապետական նշանակության, Արթիկ-Անուշավան-Փանիկ ավտոճանապարհների և Իջևան քաղաքի Սարիբեկ Օհանյան փողոցի մասին է։

««Քաղաքացիական պայմանագիր» կուսակցության ծրագրով պարտավորվել ենք առաջիկա 5 տարիներին կառուցել 2600 կմ ճանապարհ, 500 մանկապարտեզ, 300 դպրոց, սկսել կամ ավարտին հասցնել 15 ջրամբարների շինարարություն։ Մեր վերլուծությունը ցույց է տալիս, որ այսօր Հայաստանում գործող շինարարական ներուժը հնարավորություն չի տալիս այս ծրագիրն ամբողջությամբ իրականացնելու համար»,- ասաց նա։

Փաշինյանը սփյուռքի գործարարներին առաջարկեց Կառավարության հետ այս հարցի շուրջ քննարկումներ սկսել։