![](/static/articles/01/33/70/l-LeBWlOKJGQ.jpg)
«Հայացք». Մատչելի ապառիկ` ՕԵԿ-ից
Մեզ հասած տեղեկությունների համաձայն` «Օրինաց երկիր» կուսակցությունը նոր մեթոդ է հորինել ընտրողներին իր կողմը գրավելու համար: Ըստ այդմ` հիմա էլ ՕԵԿ-ի համար աշխատող կանայք են հայտնվել, որ Երևանում, դռնեդուռ ընկած, մարդկանց իրազեկում են «մատչելի պայմաններով ապառիկի մասին»:
Շենգավիթի բնակիչներից ոմանց պատմելով` ՕԵԿ-ականները, թակելով դուռը, խնդրում են բացել` տեղեկացնելով, թե մատչելի առաջարկ ունեն. «Մատչելի պայմաններով ապառիկ կարող եք ձևակերպել, առաջին ամիսների վճարումը մենք ենք կատարում»: Բնակիչներին ներկայացրել են, թե ապառիկ պայմաններով կարող են կենցաղային տեխնիկա և տան համար անհրաժեշտ իրեր վերցնել: Երբ բնակիչներից մեկը ծաղրել է ՕԵԿ-ականներին` ասելով` «Իսկ մուրաբա չե՞ք բերել», կանայք պատասխանել են, թե այս ակցիան մուրաբայից լավն է:
Լսելով վերոնշյալի մասին` մենք, իհարկե, չհավատացինք: Ախր էն «գյոզալ», Արթուր Բաղդասարյանի բնորոշմամբ` «լույսի պես մաքուր» կուսակցությունն ինչպե՞ս կարող է նման բան թույլ տալ իրեն: Չէ, այդ մեկը լինելու բան չէ, երևի չուզվորություն են անում «Օրինաց երկրին», որ օրինաց երկիր չունենանք: Ինչ վերաբերում է մուրաբային, մուրաբան բոլորովին ուրիշ բան է` շատ օգտակար է մարդու օրգանիզմին, վիտամիններ է պարունակում, քաղցր է, նպաստում է հիշողությանը...
Մեկնաբանություններ (1)
Մեկնաբանել