Օլիգարխիայի հուղարկավորությունը հավուր պատշաճի և էկոլոգիապես մաքուր եղանակով կազմակերպելու համար ՀՀ ինքնորոշված քաղաքացիների կողմից ստեղծվել է Արարողակարգի հանձնաժողով:

Օլիգարխիայի դին հրաժեշտի համար կդրվի Մաշտոցի պուրակում: Ժամը 12:30-ից կսկսվի քաղաքացիական հոգեհանգիստը, ապա` ժամը 13:00-ին, տեղի կունենա թաղման թափորի երթ, որը կսկսվի Մաշտոցի պուրակից, ապա կուղղվի Մաշտոցի պողոտայով դեպի Թումանյան փողոց, Հյուսիսային պողոտա, Հանրապետության Հրապարակ, Ամիրյան փողոց և կավարտվի Մաշտոցի պուրակում: Ժամը 14:00-ին պուրակում տեղի կունենա հուղարկավորության արարողությունը: 

Հայաստանի ողջ ինքնորոշված ժողովուրդը տոնում է օլիգարխիայի մահը:

Այլևս երբեք նա չի վայելի իր մենաշնորհը,

այլևս երբեք նա բարեգործություն չի անի չվճարված հարկերով,

այլևս երբեք նա բուծիկներ չի կառուցի մեր այգիներում,

այլևս երբեք մենք չենք տեսնի նրա անպատժելիությունը:

Օլիգարխիայի մահով մենք հրաժեշտ ենք տալիս տգիտությանը, անպատժելիությանը, անօրինականությանը, հակասահմանադրականությանը, կոռուպցիային, ստախոսությանը, հանցավորությանը, ազգայինհարստությանթալանին...

«Մենք ենք այս քաղաքի տերը»