Քննչական կոմիտեն նոր մանրամասներ է հայտնել Պաշտպանության բանակի զինծառայող Սարգիս Գրիգորյանի մահվան հանգամանքների վերաբերյալ։

Մասնավորապես ըստ կոմիտեի տարածած հաղորդագրության՝ զինվորական քննչական գլխավոր վարչության կայազորային վարչությունում քրեական օրենսգրքի 360.1-րդ հոդվածի 2-րդ մասի 3-րդ կետով հարուցված քրեական գործով կատարված նախաքննությամբ պարզվել է, որ 2021թ. հուլիսի 26-ին՝ ժամը 22։26-ի սահմաններում, ՊԲ N զորամասի պարտադիր ժամկետային զինծառայող Սարգիս Ժիրայրի Գրիգորյանը կրակային դիրքում իրեն ամրակցված ԱԿ տեսակի ինքնաձիգից ինքն իրեն կրծքավանդակի ձախ շրջանում արձակել է մենահատ կրակոց և ստացել մահացու հրազենային վնասվածք:

Քրեական գործով նախաքննությունը շարունակվում է: