Լուսին Գասպարեան

(Անգլերէնէ թարգմանեց՝ Արփի Տատոյեան) 

24 Ապրիլ 2012 

Անմահացած էք մեր տան մառանի պատերուն վրայ:

Ձեզ հետ խօսած եմ տարիներ անվերջ:

Ձեր զաւակները, իմ ծնողները, սորվեցուցին ինձ մայրենի լեզուն որ լաւ կը խօսիմ:

Ետ ինձ կը նայիք, մտածկոտ, սիպէ եռանքով նկարներուն ընդմէջէն:

Ձեր ձեռքերով իսկ կարուած հագուստներ հագած էք այդտեղ:

Ձեր այդ ձեռքերը բրտացած են ցանելէն, շինելէն, շաղելէն եւ կարկտելէն:

Ձեր երեսները ադրդուելի, նոյնիսկ հարսնեկան հանդերձանքներով:

Ձեր աշխարհահայաց արտայայտութիւնն ցաւի անտրտունջ շուքը կ՛ընդգրկէ:

Նշաձեւ աչքերը ձեր, ունին ծանռ կոպեր, որոնք մեր նախածննդական իրաւունքն են:

Անոնք կը մատնեն անգնութիւնը ծնած չարչարանքներու յիշողութենէն եւ սպառած ուժեր ձեր կեանքը կրկին վերաշինելէն:

Երբեմն կը հարցնեմ Տիգրանակերտի մասին, երբեմն Սեփաստիոյ - յուսալով պատմէք:

Կը տենչամ գիտնալ ձեր ժողովրդական սովորութիւնները, ձեր Հին Երկիրի ապրելակերպը:

Կը խնդրեմ ձեզմէ որ պատմէք ինծի մեր ազնուական գերդաստանի մասին, գրաւումներէն, ջարդէն, քանդումէն աւելի առաջ:

Կը փորձեմ մտքով պատկերացնել. ինչպէ՞ս դիմացաք որպէս ոչխարներ գայլերուն առջեւ:

Համբերութիւնով կը լսէք ինծի երբ ես կը խօսիմ այսօրուայ հայուն կրածներուն մասին -- հոգ չէ թէ թեթեւ բաղդատած ձերին եւ երբեմն նոյնիսկ նոյնքան ծանռաբեր:

Հետոյ կը խնդրեմ որ ներէք ինծի աւելին ըրած չ՛ըլլալուս համար:

Շատ մը անգամներ ուզած եմ փոխ տաք ձեր ուժը ինծի, ձեր իմաստալից, ամէն ինչ տեսնող, հայեացքը վսեմ:

Ինչ՞ու մահացաք երբ ես դեռ ձեզի չէի ճանչցած:

Իմ մտքիս մէջը, ձեր խորաթափանց եւ սուր աչքերը, ինձ կը շռայլեն այն սէրով կարծես, որ մի ու միայն մեծ-ծնողները կրնան տալ մեզի:

Տարիէ տարի, կը խանդաղատիմ որ բացէն խօսիք եւ ըսէք մեզի. 

«Մենք ձեզ շատ հստակ կը տեսնենք վերէն:

Մեր արիւնն է որ կը հոսի դեռ ձեր երակներուն մէջ:

Կ՛ըզգաք հին աշխարհն ձեր ոսկորին մէջ:

Կ՛ապրիք մեր բոլոր պատմութեանը հետ:

Մեր բարոյական կեցուածքը ունիք:

Կ՛երգէք, կը պարէք հարազատօրէն:

Աքսորի մէջ նոյնիսկ կը հարատեւէք:

Գիտէք մեր տարած չարչարանքները:

Մեր տեղ կը խօսիք:

Մեր օրհնութիւնը ունիք դուք հաւերժ:

Մեզ կ՛արդարացնէք:

Դուք Արեւմտեան Հայաստանն էք»:

Լուսանկարում` Լուսինի մեծ-ծնողները, Համբարձում Համբարեան եւ Արմաւենի Քազարեան