Այս պահին բուսաբանական այգում առողջ բարդիներ են տապալվում գետնին: Դրախտ ռեստորանի կողմից երբեմնի զավթած հողատարածքում բարդիները մեկ առ մեկ հավասարվում են գետնին:

Հետաքրքիր է՝ Բուսաբանական այգու տնօրինությունը գիտի՞ այդ մասին: Ոչ տնօրինությունից մարդ կար այգում, ոչ էլ պահակներն էին տեղում. Դուռը՝ կողպած, տարածքը՝ լքված:

Չիմանալով , թե ում դիմեմ, դիմում եմ Ձեզ, խնդրում եմ ահազանգե՛ք հնարավոր ուղիներով: Այժմ՝ հենց այս պահին, բուսաբանական այգու շքամուտքին կից ռեստորանի աշխատակիցները, բերելով իրենց ծանր տեխնիկան, «դրուժբա» սղոցով երբեմնի կանաչ, թռչունների բներով հարուստ բարդիները հատում, տապալում, հավասարացնում են գետնին:

ՍՕՍ… Բնապահպանության նախարարության տեսուչներն ո՞ւր են: Բուսաբանական այգու տնօրենն ի՞նչ է մտածում այս մասին:

Երեկ անհայտ անձանց կողմից հրդեհ էր բռնկվել այգում, որը կարողացանք սեփական ուժերով մարել: Անմխիթար ու լքված վիճակում է գտնվում մեր բուսաբանական այգին:

ՍՕՍ

Մարիամ Սուխուդյան