ՀայՓոստի մամուլի ծառայությունը տեղեկացնում է, որ ՀայՓոստը սկսում է մատուցել նոր YES (Երևան Էքսպրես Սերվիս) սուրհանդակային էքսպրես առաքման ծառայություն Երևան քաղաքում: ՀայՓոստը առաջին անգամ առաջարկում է Տնից ընդունում (Pick up) և Տուն առաքում (Home delivery) լրացուցիչ ծառայությունները, որոնք մատուցվում են Երևան քաղաքի ամբողջ տարածքով:

Ծառայության շրջանակում ՀայՓոստը հնարավորություն է տալիս հեռակա առևտրով զբաղվող գործընկերներին Երևան քաղաքում օգտվել արագ և հուսալի սուրհանդակային ծառայությունից։

Ինչպես նշում է ՀայՓոստի գլխավոր տնօրեն Հայկ Կարապետյանը,- «ՀայՓոստը մշտապես բազմազանեցնում է իր բիզնես ուղղություները՝ նպատակ ունենալով  սկիզբ դնել փոստային ծառայություների  մատուցման   նոր մշակույթի ձևավորմանը:

YES–ի գործարկումով ՀայՓոստը նոր հարմարավետ  և շահավետ ծառայություն է ավելացնում իր գործառույթներին: Առաջիկայում նմանատիպ նորություններ էլի կլինեն, որոնք ուղղված են մեր հաճախորդների համար հավելյալ հարմարավետություն ստեղծելուն»:

YES (Երևան Էքսպրես Սերվիս) ծառայության մանրամասները՝ այստեղ: