Ազգային ժողովի արտաքին հարաբերությունների մշտական հանձնաժողովի նախագահի թեկնածուն Էդուարդ Աղաջանյանն է: Այս մասին ԱԺ նիստում ասաց «Քաղաքացիական պայմանագիր» խմբակցության ղեկավար Հայկ Կոնջորյանը:

Աղաջանյանը նախկինում զբաղեցնում էր վարչապետի աշխատակազմի ղեկավարի պաշտոնը, սակայն Նիկոլ Փաշինյանի կադրային փոփոխություններից հետո նա պաշտոնանկ էր արվել, ապա ընդգրկվել արտահերթ խորհրդարանական ընտրությունների ՔՊ համամասնական ցուցակում: Աղաջանյանը ՔՊ վարչության անդամ է:

Ընդգծենք, որ ամենայն հավանականությամբ ընտրվելու դեպքում հենց նա կլինի ԵԽԽՎ հայկական պատվիրակության ղեկավարը: