HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գայանե Հովսեփյան

900 000 դոլար վարչապետի աշխատակազմին՝ միջազգային ատյաններում Հայաստանի դեմ կայացրած վճիռների համար

Կառավարությունն իր պահուստային ֆոնդից վարչապետի աշխատակազմին 900 000 դոլարին համարժեք դրամ կհատկացնի։ Որոշումն ընդունվեց գործադիրի օգոստոսի 12-ի նիստում՝ չզեկուցվող հարցերի փաթեթով։

Նախագծի նպատակը միջազգային դատարաններում, միջազգային արբիտրաժներում և այլ միջազգային ատյաններում Հայաստանի շահերի ներկայացումն ու պաշտպանությունն է և դրանց կողմից ընդունված վճիռների և որոշումների կատարման ապահովումը։

Նախատեսվում է ձեռք բերել Հայաստանի շահերի ներկայացմանն ու պաշտպանությանն ուղղված փաստաբանական և իրավաբանական ծառայություններ։

Կառավարությունը ծրագրի ապահովման համար փոփոխություններ է կատարել «2021 թվականի պետական բյուջեի մասին» օրենքում և պետական բյուջեով նախատեսված միջոցառումների որոշման նախագծում։ Ընդունված որոշման նախագծում ևս երկու կետ կա, որը, սակայն, գործադիրը համարել է հույժ գաղտնի։ Կառավարության որոշման նախագծում այլ մանրամասներ չեն ներկայացվում։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter