Երեկ «Առավոտի» հետ զրույցում «Ժառանգություն» կուսակցության խորհրդարանական խմբակցության պատգամավոր Արմեն Մարտիրոսյանը հայտարարեց, թե «Ժառանգությունը» հստակ ծրագիր ունի և դրա իրականացման ուղղությամբ առաջ է շարժվում՝ փորձելով ձեռնպահ մնալ քաղաքական այլ ուժերի կողմից իրեն ուղղված ցեխարձակումները մեկնաբանելուց:

Այդուհանդերձ, նա նաև նկատեց, թե «Ժառանգությանը» քննադատող ՀԱԿ-ը հիմա էլ իրենց կարգախոսն է նմանակում և «գալիս ենք»-ի մոտիվներով հայտարարություններ է հնչեցնում: