2021 թվականի օգոստոսի 16-ին «ՀայՓոստ»-ը շրջանառության մեջ է դրել չորս նոր փոստային բացիկ:  Նամականիշով երկկողմանի փոստային բացիկները նվիրված են ֆրանսահայ նկարիչ «Ռիշար (Խաչատուր) Ժերանյանի (1921-2019 թթ.) ծննդյան 100-ամյակը» և հայ անվանի բնանկարիչ Արտաշես Աբրահամյանի (1921-2003թթ.) ծննդյան 100-ամյակը» թեմաներին: 

«ՀայՓոստ»-ը նշում է, որ նամականիշով երկկողմանի hաջորդ երկու բացիկները նվիրված են  Բյուրականի աստղադիտարանին և Գաբրիել Սունդուկյանի անվան ազգային ակադեմիական թատրոնի հիմնադրման 100-ամյակին:

Բյուրականի աստղադիտարանին նվիրված բացիկի տպաքանակը 1500 հատ է, մյուս բացիկներինը՝ 500-ական: