Քաբուլում ՌԴ ներկայացուցիչն ասել է, թե Աֆղանստանի նախագահը մեկնել է՝ իր հետ տանելով «չորս մեքենայում տեղավորած կանխիկ գումար»
Աֆղանստանի նախագահ Աշրաֆ Ղանին, որն օգոստոսի 15-ին լքել է երկիրը, իր հետ տարել է կանխիկ թղթադրամներով խոշոր գումար։ Այդ մասին РИА Новости-ին պատմել է Քաբուլում ՌԴ դեսպանության մամուլի քարտուղար Նիկիտա Իշենկոն։
«Ինչ վերաբերում է ռեժիմի փլուզմանը, ապա դա առավել ընդգծված բնորոշում է այն, թե ինչպես է Ղանին փախել Աֆղանստանից։ Չորս մեքենա լցված է եղել կանխիկ գումարով, իսկ փողերի մի մասը փորձում էին լցնել ուղղաթիռի մեջ, բայց ամբողջը չտեղավորվեց։ Փողերի մի մասը մնաց թռիչքուղու վրա»,- նշել է Իշենկոն։
Ավելի վաղ Kabul News-ը հայտնել էր, որ նախագահ Ղանին անհաջող փորձել էր երկրից դուրս բերել 5 մլն եվրո` կանխիկ, որը մնացել էր թռիչքուղու վրա։
پخواني ولسمشر اشرف غنی غوښتل په دریو موټرو کې ۴۵ میلیون ډالر له ځانه سره انتقال کړي ، خو په انتقال یې بریالی نشو او د ارگ د هلیکوپترو میدان کې ترې پاتې شوې. pic.twitter.com/naILUGGdIS
— KABUL NEWS (@kabulnewstv) August 15, 2021
Աշրաֆ Ղանին, որն Աֆղանստանը նախագահում էր 2014 թվականից, Քաբուլից մեկնել է օգոստոսի 15-ին, երբ «Թալիբան» շարժման ներկայացուցիչներն առանց դիմադրության գրավել են մայրաքաղաքն ու փաստացի երկրի ողջ տարածքը։ Թե որտեղ է ներկայում Ղանին, անհայտ է։ Կային տեղեկություններ այն մասին, թե նա մեկնել է Տաջիկստան, Ուզբեկստան կամ Օման։ Ֆեյսբուքյան իր էջում նա գրել էր, որ երկիրը լքել է արյունահեղությունից խուսափելու համար։
Լուսանկարը՝ Reuters գործակալության
Մեկնաբանել