![](/static/articles/01/34/81/l-AgHb6Fa6Qm.jpg)
«Հրապարակ». Օսկանյանը՝ նախագահականի թեկնածու՞
Ավելի ու ավելի որոշակի են դառնում խոսակցություններն այն մասին, որ «Բարգավաճ Հայաստան» կուսակցությունում երկու թեւ է ձեւավորվել: Մեկը՝ Գագիկ Ծառուկյանի ղեկավարությամբ, անկոնֆլիկտ մարտավարության կողմնակից է եւ պատրաստ է ընդունել Հանրապետականի թելադրած խաղի կանոնները: Մյուսը, որ ավելի արմատական է եւ ուղղորդվում է Ռոբերտ Քոչարյանի կողմից, առճակատման կողմնակից է: Երկրորդ թեւի ներկայացուցիչը Վարդան Օսկանյանն է, որին ոմանք ուզում են ընտրություններից հետո նստեցնել կուսակցության ղեկավարի աթոռին:
Գլխավոր փաստարկն այն է, որ նա քաղաքական ֆիգուր է, եւ նրա՝ ԲՀԿ նախագահ դառնալը բազմաթիվ հարցեր կլուծի, այդ թվում՝ կուսակցությունը դրսի ուժերի համար կդարձնի ընդունելի, եւ ԲՀԿ վարկանիշը կբարձրանա: Այս թեւը որպես մաքսիմում ծրագիր քննարկում է նաեւ նախագահական ընտրություններում Օսկանյանի թեկնածությունը առաջ քաշելու գաղափարը:
Մեկնաբանել