Սյունիքի մարզպետ Սուրեն Խաչատրյանը, մամուլի հրապարակումերի համաձայն, նախընտրական հանդիպումներից մեկի ժամանակ կոչ է արել 37-րդ ընտրատարածքում ընտրել Հայկ Գրիգորյանին՝ հայտարարելով, թե «հազիվ մի տառաճանաչ մարդ ենք գտել»: 

«ՉԻ»- Մեր ջերմ ողջույնները Ալեքսանդր (Սաշիկ) Սարգսյանին: 2007-ին հենց նա է պատգամավոր «ընտրվել» այդ ընտրատարածքից: Հիմա, կարծում ենք, նա պիտի բացատրություն պահանջի Սուրեն Խաչատրյանից, ընդ որում՝ դրա համար ունենալով բոլոր հիմքերը, որովհետեւ Սաշիկ Սարգսյանը, մեր ունեցած հավաստի տեղեկությունների համաձայն, այնուամենայնիվ, տառաճանաչ է եւ նույնիսկ համարյա անսխալ կարողանում է գրել սեփական անուն-ազգանունը: Ինչ վերաբերում է «հազիվ տառաճանաչ մարդ գտնելուն», ապա խնդիրն իսկապես բարդ է, որովհետեւ իշխանական թեկնածուն պիտի ոչ միայն տառաճանաչ լինի, այլեւ հավատարմորեն ծառայի Սերժ Սարգսյանին: Իսկ «տառաճանաչ» (այսինքն՝ գրագետ, մտածելու ունակ) մարդը, համաձայնվեք, հազիվ թե ցանկանա ծառայել այս ռեժիմին: Այնպես որ պրն Խաչատրյանն իրավացի է: Պարզապես չարժեր բարձրաձայն ասել այդ մասին: