Ահաբեկչություն Քաբուլի օդանավակայանի մոտ. կա առնվազն 13 զոհ
Առվազն 13 մարդ է զոհվել հինգշաբթի օրը՝ օգոստոսի 26-ին Քաբուլի օդանավակայանի մոտ տեղի ունեցած ահաբեկչության արդյունքում։ Այդ մասին հայտնում է BBC-ն՝ հղում անելով «Թալիբան» արմատական շարժման ներկայացուցչին։
Վերջինիս տվյալներով՝ զոհերի թվում կան երեխաներ։ Ահաբեկչության արդյունքում տուժել են նաև մի քանի թալիբներ։ Al Hadath հեռուստաընկերության տվյալներով՝ պայթյունը տեղի է ունեցել բրիտանական ուժերի անցակետի մոտ։
The Wall Street Journal-ի տվյալներով՝ առնվազն երեք ամերիկացի զինծառայող է տուժել պայթյունի արդյունքում։ Տարբեր տվյալներով՝ զոհերի մեջ կան նաև ամերիկացիներ։
Fox News հեռուստաընկերության տվյալներով, որը հղում է անում Սպիտակ տան անանուն աղբյուրին, պայթյունից հետո օդանավակայանի տարածքում փոխհրաձգություն է սկսվել։ Օդանավակայանի աշխատանքը դադարեցվել է։
Ականատեսները գրում են, որ մահապարտ ահաբեկիչը իրեն պայթեցրել է աֆղանների հոծ բազմության մեջ, որոնք օդանավակայանի մուտքի մոտ սպասում էին փաստաթղթերի ստուգմանը։
Sewage canal where Afghans were vetted after their documents was packed with Afghans including women and children. A suicide attacker blew himself up in the middle of a large crowd. At least another attacker started shooting, multiple eye witnesses in the area&a friend tells me. pic.twitter.com/1MHuLOZnDl
— BILAL SARWARY (@bsarwary) August 26, 2021
«Իսլամական պետություն» ահաբեկչական խմբավորումն ստանձնել է ահաբեկչության պատասխանատվությունը։ Վերջինս խոստացել է նոր հարձակումներ։
Աֆղանստանում Ֆրանսիայի դեսպան Դևիդ Մարտինոն թվիթերյան իր միկրոբլոգում կոչ է արել փախչել և թաքնվել, որովհետև կա երկրորդ ահաբեկչության վտանգ։
À tous nos amis afghans : si vous êtes près des portes de l’aéroport, éloignez-vous de toute urgence et mettez-vous à l’abri. Une deuxième explosion est possible.
— David Martinon (@david_martinon) August 26, 2021
«Դիմում եմ աֆղան մեր բոլոր ընկերներին։ Եթե դուք ներկայումս գտնվում եք օդանավակայանի մուտքի մոտ, հեռացեք և թաքստոց փնտրեք։ Հնարավոր է երկրորդ պայթյուն լինի»,- գրել է Մարտինոն։
We can confirm that the explosion at the Abbey Gate was the result of a complex attack that resulted in a number of US & civilian casualties. We can also confirm at least one other explosion at or near the Baron Hotel, a short distance from Abbey Gate. We will continue to update.
— John Kirby (@PentagonPresSec) August 26, 2021
Ավելի ուշ, Պենտագոնի ներկայացուցիչ Ջոն Քիրբին հայտարարել է երկու պայթյունի մասին, որոնցից առաջինը տեղի է ունեցել օդանավակայանի մուտքի մոտ, իսկ երկրորդը՝ Barron հյուրանոցից ոչ շատ հեռու։
Լուսանկարները՝ Reuters գործակալության
Մեկնաբանել