ԱԺ մարդու իրավունքների պաշտպանության եւ հանրային հարցերի մշտական հանձնաժողովի օգոստոսի 30-ի արտահերթ նիստի օրակարգում հանձնաժողովի աշխատակարգի հաստատման եւ հանձնաժողովի նախագահի տեղակալի ընտրության մասին հարցերն էին:

ԱԺ «Քաղաքացիական պայմանագիր» խմբակցությունը հանձնաժողովի նախագահի տեղակալի պաշտոնում առաջադրել է Ռուստամ Բաքոյանի թեկնածությունը: ՔՊ պատգամավոր Նազելի Բաղդասարյանը նշեց, որ այս հանձնաժողովի գործունեության տիրույթում  են նաեւ ազգային փոքրամասնություններին վերաբերող հարցերը: Նազելի Բաղդասարյանն անդրադարձավ նաեւ թեկնածուի աշխատանքային գործունեությանը:

Շնորհակալություն հայտնելով «Քաղաքացիական պայմանագիր»  խմբակցությանն իր թեկնածությունն առաջադրելու համար` Ռուստամ Բաքոյանը նշեց, որ մարդու իրավունքների ոլորտում անելիքները շատ են թե' Հայաստանի ներսում, թե' միջազգային հանրության հետ հաղորդակցվելիս:

Քվեարկության արդյունքում Ռուստամ Բաքոյանն ընտրվեց հանձնաժողովի նախագահի տեղակալի պաշտոնում: