Տեսանյութեր
Լուսանկարներ
ԱԺ պաշտպանության եւ անվտանգության հարցերի մշտական հանձնաժողովը չընտրեց նախագահի տեղակալ
ԱԺ պաշտպանության եւ անվտանգության հարցերի մշտական հանձնաժողովն Անդրանիկ Քոչարյանի նախագահությամբ օգոստոսի 31-ին հրավիրած արտահերթ նիստում հաստատեց հանձնաժողովի գործունեության աշխատակարգը: Այս մասին տեղեկացնում է ԱԺ-ի պաշտոնական կայքը։
«Պատգամավորները քննարկեցին մշտական հանձնաժողովի նախագահի տեղակալի ընտրության մասին հարցը: «Հայաստան» խմբակցությունն առաջադրել էր Արթուր Ղազինյանի թեկնածությունը: Նրա կենսագրական տվյալները ներկայացրեց խմբակցության պատգամավոր Գեղամ Մանուկյանը:
Թեկնածուն շնորհակալության հայտնեց «Հայաստան» խմբակցությանն իր թեկնածությունն առաջադրելու համար: Նա շեշտադրեց հանձնաժողովի գործունեության կարեւորությունը:
Պատգամավորը պատասխանեց նաեւ գործընկերների հարցերին: Քննարկման արդյունքում Արթուր Ղազինյանը չընտրվեց ՀՀ ԱԺ պաշտպանության եւ անվտանգության հարցերի մշտական հանձնաժողովի նախագահի տեղակալ: Դոնթի բանաձեւի համաձայն՝ ընդդիմադիր խմբակցությանը տրվում է 5-օրյա ժամկետ նոր թեկնածու առաջադրելու համար»,- նշված է կայքում:
Մեկնաբանել