25 մլն դրամ՝ 3 համայնքում ՏԻՄ ընտրությունների նախապատրաստման համար
Լոռու մարզի Ստեփանավան, Սյունիքի մարզի Կապան, Տավուշի մարզի Իջևան համայնքներում նոյեմբերի 14-ին կանցկացվեն համայնքների ավագանիների համամասնական ընտրակարգով ընտրություններ։
3 համայնքում ՏԻՄ ընտրությունների նախապատրաստման համար կառավարությունը ոստիկանությանը կհատկացնի 25 մլն 249 հազար դրամ։ Որոշումն ընդունվեց գործադիրի սեպտեմբերի 2-ի նիստում։
«Տեղական ինքնակառավարման մարմինների ընտրությունները կանցկացվեն 3 օրով՝ հոկտեմբերի 17-ին, նոյեմբերի 14-ին և դեկտեմբերի 5-ին։ Սա պայմանավորված է նրանով, որ Հայաստանում շարունակվելու են վարչատարածքային փոփոխությունները և դեկտեմբերի դրությամբ կունենանք նոր միավորված համայնքներ»,- նիստի ժամանակ հայտնեց փոխվարչապետ Սուրեն Պապիկյանը։
Կառավարության մեկ այլ որոշմամբ՝ նոյեմբերի 14-ին համայնքի ղեկավարի և ավագանու անդամների մեծամասնական ընտրակարգով ընտրություններ կլինեն նաև Լոռու մարզի Լերմոնտովո համայնքում։
Մեկնաբանել