Լոռու մարզի Նոր Խաչակապ գյուղում այրվել է 2200 հակ կուտակած անասնակեր։

Սեպտեմբերի 4-ին, ժամը 02:23-ին ստացած ահազանգի հետքերով ԱԻՆ հրշեջ-փրկարարական երեք ջոկատ է մեկնել Նոր Խաչակապ գյուղի 2-րդ փողոց։ 

Ըստ ԱԻՆ հաղորդագրության՝ հրդեհը մեկուսացվել է ժամը 03։40-ին, մարվել՝ 13։08-ին։ Այրվել է մոտ 2200 հակ կուտակած անասնակեր, հարակից անասնագոմում ծխահարվել է 250 ոչխար։ Փրկարարներն անասնագոմից դուրս են բերել 28 խոշոր եղջերավոր անասուն։