Մարդաբանները կոշիկների միջոցով պարզել են Միքելանջելոյի հասակը
Սիցիլիայի դատական մարդաբանության, պալեոպաթոլոգիայի և կենսահնագիտության հետազոտական կենտրոնի մարդաբանները պարզել են, որ Վերածննդի դարաշրջանի իտալացի հայտնի նկարիչ Միքելանջելո Բուոնարոտին ունեցել է ընդամենը 1,6 մետր հասակ։ Այդ մասին նրանք պատմել են Anthropologie ամսագրին։
Հետազոտության հեղինակներն ուսումնասիրել են նկարչի երեք կոշիկները, որոնք հայտնաբերվել էին նրա տանը և մինչ օրս պահվում էին Ֆլորենցիայի թանգարանում։ Հաշվարկելով Միքելանջելոյի ոտքի պարամետրերը՝ հետազոտողները դրանք համեմատել են ոտքի չափի և հասակի համապատասխանության տվյալների հետ: Պարզվել է, որ նկարչի հասակը չի գերազանցել 1,6 մետրը։
Գիտնականները նշում էին, որ ժամանակակից չափանիշներով Միքելանջելոն եղել է կարճահասակ, սակայն նրա ժամանակներում (1475-1564 թթ.), այդ հասակը տղամարդկանց համար եղել է միջին։ Միքելանջելոյի ժամանակակիցները նրան նկարագրում էին թիկնեղ և բարեկազմ։
Ընդորում, մինչ օրս չի ապացուցվել, որ այդ կոշիկները պատկանել են հենց իտալացի նկարչին։ Հնարավոր է, որ այն եղել է Միքելանջելոյի մտերիմներից մեկինը։
Միքելանջելոյի մնացորդները երբևէ արտաշիրիմման չեն ենթարկվել և չեն ուսումնասիրվել, այդ իսկ պատճառով նկարչի ֆիզիկական բազմաթիվ տվյալներ անհայտ են։ Սակայն նման ուղղակի վկայությունները թույլ են տալիս իմանալ ավելին Միքելանջելո Բուոնարոտիի մասին։
Լուսանկարը՝ wetheitalians.com-ից
Մեկնաբանել