«Ես սարսափելի չեմ համարում, որ գործարարները գնում են Ազգային ժողով, առավել եւս, եթե նրանք տնտեսագետ են կամ իրավաբան: Շատ երկրներում տնտեսագետներն ու իրավաբաններն են գերակշիռ մաս կազմում: Բա ո՞վ գնա ԱԺ, եթե ոչ գործարարները»,- երեկ Հանրային խորհրդում մի քանի ուսանողների հետ հանդիպման ժամանակ հայտարարել է թիվ 10 ընտրատարածքում մեծամասնական ընտրակարգով առաջադրված պատգամավորության թեկնածու Գարեգին Նուշիկյանը՝ մեղադրելով լրատվամիջոցներին ու լրագրողներին անընդհատ այդ հարցը թմբկահարելու համար:

«Ինչո՞ւ պետք է չգնան, ի՞նչ է եղել որ: Այդ լրատվամիջոցներն են թմբկահարում, որ գործարարները չպետք է գնան ԱԺ: Դրանում ոչ մի վատ բան չկա»,- ավելացրեց Նուշիկյանը:

Գնալը՝ թող գնան, բայց հարց է, թե նախկին ԱԺ-ում այդ գործարար կոչվածներից քանիսն էին տնտեսագետ կամ իրավաբան: