Զորավարժությունների ժամանակ զոհվել է Ռուսաստանի արտակարգ իրավիճակների նախարար Եվգենի Զինիչևը
Ռուսաստանի արտակարգ իրավիճակների նախարար Եվգենի Զինիչևը զոհվել է Նորիլսկում ընթացող զորավարժությունների ժամանակ։ Այդ մասին հայտնում են ռուսական լրատվամիջոցները՝ հղում անելով ՌԴ ԱԻՆ հաղորդագրությանը։ Նշվում է, որ Զինիչևը զոհվել է ռեժիսոր Ալեքսանդր Մելնիկին փրկելու ժամանակ։ Նա 55 տարեկան էր։
Համաձայն ՌԴ ԱԻՆ-ի՝ Զինիչևը ժամանել էր Դուդինկա, որտեղ մեկնարկել էին Ռուսաստանի Արկտիկական գոտու տարածքներն արտակարգ իրավիճակներից պաշտպանելու վարժանքները:
Զինիչևը ՌԴ արտակարգ իրավիճակների նախարարի պաշտոնում նշանակվել էր 2018 թվականին։ 2016-2018 թթ. եղել է Ռուսաստանի Անվտանգության դաշնային ծառայության ղեկավարի տեղակալ, իսկ 2016 թվականի հուլիսի 28-ից հոկտեմբերի 6-ը նաև Կալինինգրադի մարզի նահանգապետի պաշտոնակատար։
2018 թվականի դեկտեմբերին ՌԴ արտակարգ իրավիճակների նախարարի պաշտոնում ստացել էր գեներալ-գնդապետի զինվորական կոչում։ 2020 թվականին կառավարության հրաժարականից հետո նա վերանշանակվել էր նույն պաշտոնում արդեն Միխայիլ Միշուստինի կառավարության կազմում։ 2020 թվականի դեկտեմբերի 21-ին էլ Վլադիմիր Պուտինի հրամանով ստացել էր բանակի գեներալի զինվորական կոչում։
Լուսանկարը՝ ՌԴ ԱԻՆ մամուլի ծառայության
Մեկնաբանել