Տեսանյութեր
Լուսանկարներ
Գյումրու ավագանու ընտրություններ. «Հայրաքաղաք» դաշինքի հաղորդագրությունը եւ թեկնածուների ցուցակը
Գյումրու ավագանու 2021 թ. հոկտեմբերի 17-ի ընտրություններին մասնակցության հայտ ներկայացրած «Հայրաքաղաք» դաշինքը հաղորդագրություն է տարածել: Այն նույնությամբ ներկայացանում ենք ստորեւ.
Ռամկավար Ազատական կուսակցությունը եւ «Ժառանգություն» կուսակցությունը՝ ի նկատի ունենալով Գյումրի քաղաքի բարդ խնդիրների հաղթահարման, քաղաքի զարգացման, արդյունավետ եւ արդար կառավարման մարտահրավերները, մի շարք քաղաքական ուժերի հետ 3 շաբաթ տեւած քննարկումներից եւ բանակցություններից հետո համաձայնության եկան՝ ստեղծել կուսակցությունների «Հայրաքաղաք» դաշինք եւ մասնակցել Գյումրու ավագանու 2021 թ. հոկտեմբերի 17-ի ընտրություններում:
2021 թվականի սեպտեմբերի 11-ին «Հայրաքաղաք» դաշինքը Գյումրու ավագանու ընտրություններին մասնակցելու հայտ ներկայացրեց թիվ 31 տարածքային ընտրական հանձնաժողով:
«Հայրաքաղաք» դաշինքը ընտրապայքարը մղելու է Գյումրու զարգացման լավագույն ուղիների որոնման համար, ցանկանում է ստանալ գյումրեցիների ազդեցիկ քվեն՝ ստանձնելու քաղաքի կառավարումը, ակնկալելով բոլոր քաղաքական ուժերից բացառիկ հարգանք քաղաքի, քաղաքացիների եւ մրցակից ուժերի նկատմամբ ինչպես նախընտրական շրջանում, այնպես էլ հետագայում:
«Հայրաքաղաք» դաշինքի թեկնածուական ցուցակը բաղկացած է 28 հոգուց, առաջին եռյակը զբաղեցնում են Լեւոն Բարսեղյանը (անկուսակցական, Գյումրու ավագանու անդամ, Ժուռնալիստների «Ասպարեզ» ակումբի հիմնադիր), Հովիկ Կարապետյանը (Ռամկավար Ազատական կուսակցություն, ՌԱԿ ատենադպիր, «Դպիր» հրատարակչության հիմնադիր) եւ Հասմիկ Պետրոսյանը («Ժառանգություն» կուսակցություն, բժշկուհի): Ցուցակն ամբողջությամբ ներկայացվում է այս հաղորդագրությանը կից:
Ռամկավար Ազատական կուսակցություն, «Ժառանգություն» կուսակցություն
«Հայրաքաղաք» դաշինքի թեկնածուների ցուցակը
- Բարսեղյան Լևոն, Ժուռնալիստների «Ասպարեզ» ակումբ ՀԿ հիմնադիր, Գյումրու ավագանու անդամ, անկուսակցական
- Կարապետյան Հովիկ, «Դպիր» հրատարակչության հիմնադիր, ՌԱԿ ատենադպիր, ՌԱԿ անդամ
- Պետրոսյան Հասմիկ, Գյումրու Ավստրիական Մոր ու մանկան հիվանդանոցի բժշկուհի, «Ժառանգություն» կուսակցության անդամ
- Հովհաննիսյան Վահագն, ՇՊՀ դասախոս, «Ժառանգություն» կուսակցության ՇՄ կառույցի ղեկավար
- Բազաևա Մարինա, «Բազաևա Մարինա» ԱՁ, ՌԱԿ անդամ
- Շարյան Եղիշե, Գյումրիի թիվ 9 հիմնական դպրոց ՊՈԱԿ, ուսուցիչ «Ժառանգություն» կուսակցության անդամ
- Փալանջյան Սաթենիկ, Սառնաղբյուր գյուղի դպրոցի ուսուցչուհի, ՌԱԿ անդամ
- Ղարիբյան Էդվարդ, Գյումրու հրաձգության մանկապատանեկան մարզադպրոցի մարզիչ, «Ժառանգություն» կուսակցության անդամ
- Բարխուդարյան Սուրեն, տեխնիկական թարգմանիչ, ՌԱԿ անդամ
- Գմյուր Արմինե, հոգեբան, անկուսակցական
- Հովսեփյան Նաիրա, երաժշտական քոլեջի ուսուցչուհի, ՌԱԿ անդամ
- Հարությունյան Արարատ, «Գյումրի Քոմերշլ Սենթր» ՍՊԸ գլխավոր հաշվապահ, անկուսակցական
- Գալոյան Լավրենտ, Հայփոստ, օպերատոր, ՌԱԿ անդամ
- Մարգարյան Հովհաննես, Գյումրու հրաձգության մանկապատանեկան մարզադպրոցի մարզիչ, «Ժառանգություն» կուսակցության անդամ
- Բարխուդարյան Հռիփսիմե, տեխնիկական թարգմանիչ, ՌԱԿ անդամ
- Խաչատրյան Արամ, Գյումրու ավագանու անդամ, երաժիշտ, անկուսակցական
- Ասատրյան Վաղարշակ, Հայորդյաց տան խմբի ղեկավար, դերասան, ՌԱԿ անդամ
- Մովսիսյան Լուսինե, «Գյումրու առաընթաց» ՀԿ, լրագրող, անկուսակցական
- Մկրտումյան Կարինե, Գյումրու 26 դպրոցի ուսուցչուհի, ՌԱԿ անդամ
- Ստեփանյան Արթուր, ֆիզիկոս, առցանց հետազոտող, «Ժառանգություն» կուսակցության անդամ
- Կարապետյան Հայարփի, Պետական կառավարման ակադեմիա մագիստրատուրայի ուսանող, ՌԱԿ անդամ
- Նախշքարյան Հասմիկ, Բագրավանի միջնակարգ դպրոցի հաշվապահ, «Ժառանգություն» կուսակցության անդամ
- Մկրտչյան Գեղամ, լրագրող, «Ազգ» թերթի թղթակից, անկուսակցական
- Խռխռյան Լենա, ԵՊ Կոնսերվատորիայի Գյումրու մասնաճյուղի մագիստրատուրայի ուսանողուհի, «Ժառանգություն» կուսակցության անդամ
- Հովհաննիսյան Ռաֆայել, Ս․Գասպարյան ԱՁ աշխատակից, ՌԱԿ անդամ
- Թումանյան Լևոն, ինքնազբաղված, «Ժառանգություն» կուսակցության անդամ
- Զառաֆյան Շուշանիկ, Գյումրու հ.6 երաժշտական դպրոցի ուսուցչուհի, ՌԱԿ անդամ
- Թումանյան Գրիգոր, ՇՊՀ ուսանող, «Ժառանգություն» կուսակցության անդամ
Մեկնաբանել