Հովսեփ Բեդևյանն ընտրվեց Վճռաբեկ դատարանի քաղաքացիական և վարչական պալատի դատավորի պաշտոնում
Վճռաբեկ դատարանի քաղաքացիական և վարչական պալատի դատավորի թափուր պաշտոնում ընտրվեց Հովսեփ Բեդևյանը: ԱԺ հաշվիչ հանձնախմբի նախագահ Նարեկ Բաբայանը ներկայացրեց փակ գաղտնի քվեարկության արդյունքները, որոնց համաձայն՝ 107 պատգամավորից քվեարկությանը մասնակցել է 88-ը, մեկ քվեաթերթիկ անվավեր է ճանաչվել:
Բարձրագույն դատական խորհուրդը դատարանի թափուր տեղի համար առաջադրել էր Հովսեփ Բեդևյանի, Հրաչ Այվազյանի և Լիանա Հակոբյանի թեկնածությունները:
Այվազյանի օգտին կողմ էր քվեարկել՝ 1, Հակոբյանի օգտին` 6, իսկ Բեդևյանի օգտին` 80 պատգամավոր:
Բեդևյանը 2011 թվականից զբաղեցնում էր Վերաքննիչ վարչական դատարանի նախագահի պաշտոնը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել