Մեթամֆետամինի իրացման դեպքեր են բացահայտվել. ոստիկանություն
Ոստիկանությունը հայտնում է, որ Երևանում բնակվող 37-ամյա մի տղամարդ մայրաքաղաքի տարբեր թաղամասերում մեթամֆետամին է թաքցրել՝ տելեգրամի միջոցով վաճառելու համար։ Նա հայտնաբերվել է, բերման ենթարկվել ու խուզարկվել։ Նրա մոտ մեթամֆետամին է եղել։
Այնուհետև հայտնաբերվել է 12 փաթեթ՝ լցված մեթամֆետամինով։ Այնուհետև հայտնի է դարձել, թե ումից է 37-ամյա տղամարդը ձեռք բերել մեթամֆետամինը։ Խոսքը մայրաքաղաքում բնակվող 23-ամյա մի աղջկա մասին է, որը Երևանի Ռուբինյանց փողոցում հայտնաբերվել ու կասկածանքով բերման է ենթարկվել։
Նրա անձնական խուզարկությամբ ևս մեթամֆետամին է հայտնաբերվել։ Աղջիկը կալանավորված է։ Պարզվել է նաև 23-ամյա աղջկան թմրամիջոց իրացնողի ինքնությունը։
Սեպտեմբերի 8-ին 37-ամյա տղամարդը հայտնաբերվել է մայրաքաղաքի Թբիլիսյան խճուղում ու բերման ենթարկվել։ Նրա խուզարկությամբ ևս մեթամֆետամին է հայտնաբերվել։ Հարուցված քրեական գործի շրջանակներում խուզարկվել է նրա բնակարանը ու հայտնաբերվել 37 գրամից ավելի մեթամֆետամին, 26 գրամից ավելի մարիխուանա, 6 գրամից ավելի չորացված հալյուցինոգեն սնկեր, 2 գրամից ավելի ափիոն, էքստազիի հաբեր և այլն։ 37-ամյա տղամարդը կալանավորվել է։
Նշանակվել են փորձաքննություններ։ Հարուցված քրեական գործի նախաքննությունը շարունակվում է։
Մեկնաբանել