Հյուսիսային Կորեան բալիստիկ հրթիռների փորձարկումներ է իրականացրել
Սեպտեմբերի 15-ին Հյուսիսային Կորեան Ճապոնական ծովի ուղղությամբ բալիստիկ երկու հրթիռ է արձակել։ Այդ մասին հայտնում է Kyodo News-ը։ Ճապոնիայի և Հարավային Կորեայի զինված ուժերի տվյալներով՝ հրթիռներն արձակվել են ԿԺԴՀ-ի կենտրոնական շրջաններից և ընկել Ճապոնիայի բացառիկ տնտեսական գոտու սահմաններից դուրս։ Թռիչքի հեռավորությունը կազմել է 800 կիլոմետր։
Ճապոնիայի վարչապետ Յոսիհիդե Սուգան բողոք է հայտնել Փհենյանի գործողություններին՝ այն անվանելով ՄԱԿ-ի Անվտանգության խորհրդի բանաձևերի խախտում։
Ռուսաստանի հիդրոօդերևութաբանության և շրջակա միջավայրի մշտադիտարկման կենտրոնի Պրիմորիեի երկրամասի տեղական ծառայությունը հայտարարել է, որ Հյուսիսային Կորեային սահմանակից Պրիմորիեի երկրամասում բալիստիկ հրթիռների փորձարկումները չեն ազդել ճառագայթային ֆոնի վրա։
Սեպտեմբերի 13-ին Հյուսիսային Կորեայի իշխանությունները հայտարարել էին, որ նախորդ հանգստյան օրերին նախնական փորձարկել են մեծ հեռահարության նոր տիպի հրթիռները, որոնց վրա աշխատանքը տևել է երկու տարի։ Հյուսիսային Կորեայում բալիստիկ հրթիռների նախորդ փորձարկումները, որոնք գրանցվել էին օտարերկրյա հետախուզական մարմինների կողմից, տեղի էին ունեցել 2021 թվականի մարտի 25-ին։
Լուսանկարը՝Jung Yeon-je/AFP/Getty Images
Մեկնաբանել