Ոստիկանության Երևան քաղաքի վարչության Քանաքեռ-Զեյթունի բաժնում քրեական գործ է հարուցվել մայրաքաղաքում գերեզմանաքարեր ոչնչացնելու դեպքի առթիվ։ Այս մասին մեզ հայտնել է ոստիկանության Քանաքեռ-Զեյթունի բաժնի պետ Ռոբերտ Նավասարդյանը։

Ավելի վաղ «Հետք»-ը գրել էր, որ Երևան քաղաքի Քանաքեռ-Զեյթուն վարչական շրջանում գտնվող «Քանաքեռի գերեզմանատանը» բազմաթիվ գերեզմանաքարեր են ոչնչացվել։ Մեր նկարահանող խումբը «մասնակի փակ» իրավական ռեժիմ ունեցող գերեզմանատան տարածքում արձանագրել է, որ հիմնականում ոչնչացվել են հին գերեզմանաքարերը։