Պետական պաշտոն զբաղեցնողներն ու նրանց ընտանիքի անդամները սոցփաթեթով կկարողանան մարզա-առողջարարական համալիրներ հաճախել
Պետական պաշտոն կամ պետական ծառայության պաշտոն զբաղեցնող անձինք և նրանց ընտանիքի անդամները սոցփաթեթի շրջանակում կարող են օգտվել նաև մարզա-առողջարարական և սպորտային համալիրների, լողավազանների և այլ սպորտային կազմակերպությունների ծառայություններից, ինչպես նաև պետական սուբսիդավորմամբ ուսանողական վարկերի մարել: Որոշումն ընդունվեց գործադիրի սեպտեմբերի 16-ի նիստում չզեկուցվող հարցերի փաթեթում:
Կառավարության որոշման հիմնավորմամբ՝ սոցփաթեթի ծառայություններն ավելանում են շահառու աշխատողների սոցիալական կարիքների բավարարման, մոտիվացման և աշխատանքի արդյունավետության բարձրացման, պետական մարմիններում և կազմակերպություններում աշխատանքի գրավչության բարձրացման, պետական հատվածից դեպի մասնավոր հատված կադրերի հոսունության կրճատման նպատակով:
Որոշման նախագիծը Կառավարությունը համարել է անհետաձգելի: Այն կքննարկվի նաև Ազգային ժողովում:
Մեկնաբանել