Rolls-Royce ընկերությունն իրականացրել է իր Spirit of Innovation («Նորարարության ոգի») էլեկտրական ինքնաթիռի առաջին փորձարկումները։ Այդ մասին նշվում է ընկերության տարածած հաղորդագրության մեջ։ 

Սեպտեմբերի 15-ին ինքնաթիռը բարձրացել է Մեծ Բրիտանիայի օդ՝ թռիչք կատարելով Մեծ Բրիտանիայի պաշտպանական գերատեսչությանը պատկանող «Բոսքոմբ Դաուն» օդանավակայանից։ Թռիչքը տևել է մոտ 15 րոպե։

Ընկերությունում նշել են, որ առաջին թռիչքը նշանավորում է ինտենսիվ թռիչքային փորձարկումների փուլի սկիզբը, որի ընթացքում ընկերության մասնագետները տեղեկություններ կհավաքեն մարտկոցների աշխատանքի և շարժիչների համակարգի վերաբերյալ։ 

Ինքնաթիռի շարժիչի հզորությունը կազմում է 400 կՎտ։ Այն մոտավորապես հավասար է 544 ձիաուժի։ Ընկերությունը կարծում է, որ Spirit of Innovation-ը կկարողանա զարգացնել մինչև 480 կիլոմետր/ժամ արագություն։ 

Լուսանկարը՝ Rolls-Royce ընկերության