HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Հայաստանը և Եվրոպոլը ռազմավարական համագործակցության համաձայնագիր են ստորագրել

Ոստիկանությունից հայտնում են, որ սեպտեմբերի 16-ին Հայաստանը և Եվրոպոլը ստորագրել են ռազմավարական համագործակցության համաձայնագիր` ընդլայնելու համագործակցությունը անդրսահմանային հանցավոր գործունեության դեմ պայքարում: 

«Համաձայնագիրը երկու գործընկերներին հնարավորություն կտա աշխատել այնպիսի առանցքային ոլորտներում, ինչպիսիք են` միգրանտների մաքսանենգությունը, կիբեռհանցագործությունը, թմրանյութերի ապօրինի շրջանառությունը, ակտիվների վերականգնումը, փողերի լվացումը, կազմակերպված գույքային հանցագործությունները և մարդկանց թրաֆիքինգը:

Համաձայնագիրը երկու կողմերին հնարավորություն կտա փոխանակել ընդհանուր ռազմավարական հետախուզության վերաբերյալ, ինչպես և ռազմավարական և տեխնիկական, օպերատիվ տեղեկություններ, բացառությամբ՝ անձնական տվյալների. Եվրոպոլ կգործուղվի Հայաստանի Հանրապետության կապի սպա:

Ռազմավարական համագործակցության մասին այս համաձայնագրի ստորագրմամբ ավարտվում են կազմակերպված հանցավորության դեմ համատեղ արդյունավետ պայքար ծավալելու վերաբերյալ հաջող բանակցությունները` Հայաստանի և Եվրոպոլի միջև:

Համաձայնագրի ուժի մեջ մտնելուց հետո համագործակցության այս նոր մակարդակը կարևոր կլինի ինչպես Եվրամիության, այնպես էլ Հայաստանի համար առաջնահերթ համարվող հանցավորության ոլորտներում գործունեություն ծավալելու առումով:

Նշենք, որ Եվրոպոլը հանդիսանում է Եվրոպական միության իրավապահ համագործակցության գործակալություն: Գրասենյակը գտնվում է Հաագայում։ Եվրոպոլը աջակցում է ԵՄ 27 անդամ երկրների` ահաբեկչության, կիբեռհանցավորության ու հանցավորության և կազմակերպված հանցավորության այլ ծանր ձևերի դեմ պայքարում: Եվրոպոլն աշխատում է նաև ԵՄ ոչ անդամ երկրների և միջազգային կազմակերպությունների հետ:

Հայաստանի հետ ստորագրված համաձայնագրի նպատակն է աջակցել ԵՄ անդամ երկրներին եւ Հայաստանի Հանրապետությանը՝ երկու եւ ավելի անդամ պետություններ ընդգրկող ծանր հանցագործությունների կանխարգելման գործում եւ դրանց դեմ պայքարում, ինչպես և ահաբեկչության ու հանցավորության այնպիսի տեսակների դեմ պայքարում, որոնք վերաբերում են Եվրոպական միության կողմից իրականացվող քաղաքականությամբ սահմանված ընդհանուր շահերին, մասնավորապես՝ իրավապահ մարմինների միջեւ տեղեկատվության փոխանակման միջոցով»,- նշված է ոստիկանության տարածած հաղորդագրությունում։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter