Հայաստանում կորոնավիրուսի հաստատված դեպքերի թիվն ավելացել է 273-ով՝ ընդհանուր կազմելով 254 709: Նախօրեին կատարվել է 4138 թեստավորում (ընդհանուր՝ 1 664 154): Այս մասին հաղորդում է առողջապահության նախարարությունը:

Մահացել է 20 մարդ: Կորոնավիրուսից մահացության դեպքերի ընդհանուր թիվը 5181 է:

Առողջացել է ևս 295 քաղաքացի, և այժմ նրանց ընդհանուր թիվը հասել է 237 263-ի:

Այս պահին փաստացի բուժում է ստանում 11 072 քաղաքացի:

Մինչև օրս արձանագրվել է մահվան 1193 դեպք, երբ պացիենտն ունեցել է կորոնավիրուսային վարակ, սակայն մահը վրա է հասել այլ հիվանդության պատճառով։