Խորհրդարանը, մասնավորապես՝ «Քաղաքացիական պայմանագիր» խմբակցությունն առաջին ընթերցմամբ ընդունեց «Հայաստանի Հանրապետության վարչատարածքային բաժանման մասին» օրենքում փոփոխություններ կատարելու նախագիծը, ըստ որի՝ 441 համայնքի միավորմամբ ձևավորվելու է 37 համայնք:

Նշենք, որ համայնքների խոշորացման հետևանքով համայնքապետարանները չեն փակվելու, համայնքապետարանում աշխատելու է առնվազն 2 աշխատակից: Նախագծին կողմ է քվեարկել 59 պատգամավոր: Հիշեցնենք, որ ընդդիմությունը` «Հայաստան» և «Պատիվ ունեմ» խմբակցությունների պատգամավորները, նիստը բոյկոտել են: