Անհայտ անձինք կամրջից քարեր են նետել «Հարավկովկասյան երկաթուղու» բեռնատար գնացքի վրա
Սեպտեմբերի 27-ին՝ ժամը 20:30-ին, Սպանդարյան-9-րդ կիլոմետր հատվածում, անհայտ անձինք կամրջից քարեր են նետել այդ հատվածով անցնող բեռնատար գնացքի վրա: Այս մասին հայտնում է «Հարավկովկասյան երկաթուղի» ընկերությունը։
«Սա երթուղու այս հատվածում անօրինական գործողությունների առաջին նման դեպքը չէ: Դեպքի մասին տեղյակ է պահվել Մասիս քաղաքի ոստիկանության տարածքային բաժինը:
«Հարավկովկասյան երկաթուղի» ընկերությունը քաղաքացիներին կոչ է անում պատասխանատվությամբ վերաբերվել երկաթուղային ենթակառուցվածքին և շարժակազմին, չառաջացնել վթարներ և պահպանել երկաթուղու անվտանգության կանոնները:
Ընկերությունը հիշեցնում է նաև գույքը վնասելու և երթևեկության անվտանգությանը սպառնալիք ստեղծելու համար պատասխանատվության մասին»,- ասվում է «Հարավկովկասյան երկաթուղի» ընկերության հաղորդագրությունում:
Մեկնաբանել