Արցախի ՆԳՆ արտակարգ իրավիճակների պետական ծառայությունը տեղեկացնում է, որ սեպտեմբերի 28-ին ադրբեջանական կողմը Շուշիում հայկական կողմին է փոխանցել ևս 3 զինծառայողի աճյուն:

Նրանց ինքնությունը պարզելու նպատակով կնշանակվի դատաբժշկական փորձաքննություն:

Զինադադարից հետո` մինչ օրս հայտնաբերել է ընդհանուր 1673 աճյուն։ Որոնումների առաջիկա ուղղությունների և արդյունքների մասին ԱԻ պետական ծառայությունը կտրամադրի հավելյալ տեղեկություն։