![](/static/articles/01/36/22/l-bsg5DLbncR.jpg)
«Հայացք». Հանրակացարանի տասնյակ ընտանիքների զուգարանները թաղապետարանը վաճառել է գործարարներին
Երևանի Մոլդովական փողոցի 29/5 հասցեում գտնվող 8-հարկանի հանրակացարանի բնակիչները մնացել են առանց զուգարանի: Կոմունալ ամենատարրական հարմարությունը Նոր Նորքի թաղապետարանը ժամանակին բնակիչներից խլել է` վկայակոչելով ՀՀ կառավարության որոշումը, որը, սակայն, հենց թաղապետարանն է իրեն ձեռնտու տարբերակով ընկալել:
Փաստորեն, հանրակացարանները սեփականաշնորհել են, իսկ դրանց զուգարանները վաճառել բոլորովին այլ մարդկանց: Ու հիմա հարյուրավոր ընտանիքներ մնացել են առանց զուգարանների: Իսկ ՀՀ կառավարության պետական գույքի կառավարման վարչության պետ Արտաշես Թարլամազյանը «Հայացք»-ին պարզաբանում է. «Կառավարության որոշումը պարտավորեցնում է թաղապետարանին` այդ բնակիչների համար կոմունալ հարմարություններ ստեղծել, իսկ իրենք, փաստորեն, վերցրել վաճառե՞լ են»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել