Աֆղանստանում իշխանության եկած «Թալիբան» արմատական շարժումը Տաջիկստանի հետ սահմանին գտնվող Բադահշան նահանգում «մահապարտների գումարտակ» կտեղակայի։ Այդ մասին հայտնում է РИА Новости-ն՝ հղում անելով Khaama Press-ը։ 

«Բադահշան նահանգի նահանգապետի տեղակալը լրատվամիջոցներին հայտնել է, որ նրանք ստեղծել են մահապարտների յուրօրինակ գումարտակ, որը կուղարկվի Աֆղանստանի սահմաններ, մասնավորապես, Բադահշան նահանգ»,- փոխանցում է գործակալությունը։

Այն Տաջիկստանից զատ սահմանակից է նաև Չինաստանին և Պակիստանին։ Հատուկ գումարտակի նպատակները չեն նշվում։ 

Աֆղանստանից ամերիկյան զորքերի դուրսբերումից հետո թալիբները հարձակումներ էին կազմակերպել կառավարական ուժերի դեմ և օգոստոսի 15-ին մտել Քաբուլ։ Գրոհայինների վերահսկողության տակ են գտնվում երկրի ցամաքային բոլոր անցակետերը։ 

Լուսանկարը՝ Marcus Yam / Los Angeles Times via Getty Images file