HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

ԱԺ-ն ընդունեց քաղծառայողների սոցփաթեթի ուղղությունները համալրելու նախագիծը

Խորհրդարանը հոկտեմբերի 6-ի հերթական նիստում երկրորդ ընթերցմամբ և ամբողջությամբ ընդունեց «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում փոփոխություն կատարելու նախագիծը, որով պետական պաշտոն զբաղեցնող անձանց սոցիալական փաթեթի ուղղություններն ավելանում են: Նախագիծն ընդունվեց 56 կողմ, 1 դեմ, 3 ձեռնպահ ձայներով:

Կառավարությունն առաջարկում է սոցփաթեթի ուղղություններն ավելացնել` հնարավորություն ընձեռելով քաղծառայողներին օգտվել նաև մարզաառողջարարական և սպորտային համալիրների, լողավազանների և այլ սպորտային կազմակերպությունների ծառայություններից, ինչպես նաև` գումարն ուղղել պետական սուբսիդավորմամբ ուսանողական վարկերի ամսական վճարին:

Այս փոփոխություններով շահառուների թիվը չի ավելանալու, հատկացված գումարի չափը չի փոխվելու (տարեկան 72 հազար դրամ է տրամադրվում յուրաքանչյուր շահառուի):

Նշենք, որ քաղաքական պաշտոն զբաղեցնող որևէ անձ` պատգամավոր, նախարար, փոխնախարար, վարչապետ, փոխվարչապետ և այլք, սոցփաթեթի շահառու չէ:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter