«Հետաքննող լրագրողներ» հասարակական կազմակերպությունը հայտարարում է Հետք Մեդիա Գործարանի վեբ կայքի պատրաստման մրցույթ։

Աշխատանքի սկիզբը՝ 2022 թվականի հունվարի 3։

Աշխատանքների իրականացման ժամկետը՝ 2022 թվականի հունվար-օգոստոս ամիսներ։

Կայքի պատրաստման մրցույթին կարող են մասնակցել ինչպես ֆիզիկական, այնպես էլ իրավաբանական անձինք։ Մրցույթին մասնակցելու անհրաժեշտ պայմանների թվում են.

• Կայքերի մշակման, դիզայնի և պատրաստման փորձ,
• Ճկուն և պատասխանատու մոտեցում,
• Սահմանված ժամկետներում աշխատելու ունակություն։

Հետաքրքրված անձինք ու կազմակերպությունները, մինչև ս/թ դեկտեմբերի 5-ը, իրենց գնառաջարկները կարող են ուղարկել [email protected] կամ [email protected] էլեկտրոնային հասցեներին՝ նամակի վերնագրում նշելով Հետք Մեդիա Գործարանի կայքի պատրաստում: 

Կազմակերպությունը գնառաջարկների դիտարկման փուլն անցած դիմորդների հետ լրացուցիչ հանդիպում կանցկացնի՝ հնարավոր համագործակցության հետագա քայլերի քննարկման համար։ 

Հարցերի և մանրամասների համար կարող եք զանգահարել 044-20-20-48 հեռախոսահամարով։

Հետք Մեդիա Գործարանը «Հետաքննող լրագրողներ» հասարակական կազմակերպության նախագիծն է։ 

Հետք Մեդիա Գործարանը կրթվել և ստեղծագործել սիրող անձանց հանդիպման և համագործակցության վայր է։ Մեր նպատակն է մասնագիտական բարձորակ կրթության միջոցով հայկական մեդիա դաշտն ապահովել երիտասարդ, բանիմաց, մրցունակ ու պատասխանատու մասնագետներով։