HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արմեն Միրզոյան

Պուտինը հանդիպում է ունեցել ԱՊՀ երկրների հատուկ ծառայությունների ղեկավարներին

Ռուսաստանի նախագահ Վլադիմիր Պուտինը հոկտեմբերի 13-ին տեսակոնֆերանսի ձևաչափով հանդիպում է ունեցել ԱՊՀ երկրների հատուկ ծառայությունների ղեկավարների հետ, որոնք Մոսկվայում մասնակցում էին համատեղ նիստի։ Այդ մասին հայտնում է РИА Новости-ն՝ հղում անելով ՌԴ Արտաքին հետախուզական ծառայության մամուլի բյուրոյին։

«Խորհրդակցական մարմնի աշխատանքների շրջանակներում կայացել է Ռուսաստանի Դաշնության նախագահի տեսակոնֆերանսի ձևաչափով հանդիպումը Համագործակցության երկրների հատուկ ծառայությունների ղեկավարների հետ»,- նշվում է հաղորդագրության մեջ։

Հանդիպմանը մասնակցել են Ադրբեջանի, Հայաստանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի հատուկ ծառայությունների ղեկավարները։ «Հանդիպման ընթացքում քննարկվել են ԱՊՀ երկրներում անվտանգության և կայունության ապահովման բնագավառում հատուկ ծառայությունների փոխգործակցության արդիական հարցերը՝ մեր պետությունների վրա հավաքական Արևմուտքի ապակառուցողական ազդեցության և դրսից «ժողովրդավարություն» բռնի սերմանելու փորձերի համատեքստում»,- նշվում է մամլո հաղորդագրության մեջ։ 

Ըստ այդ հաղորդագրության՝ հատուկ ծառայությունների ղեկավարները եկել են այն միասնական կարծիքի, որ նշված գործընթացները ուղղված են ԱՊՀ երկրներում արտաքին քաղաքական իրավիճակի ապակայունացմանը, ունեն համակարգված և նպատակամիտված բնույթ։ Հաղորդագրության մեջ նաև նշվում է, որ այդ գործընթացին ոչ կառավարական և միջազգային կազմակերպություններին ներգրավում են արևմտյան հատուկ ծառայությունները։ Կողմերը պայմանավորվել են ուժեղացնել համատեղ ջանքերը՝ այդպիսի գործընթացներին դեմ քայլեր ձեռնարկելու համար։ 

Լուսանկարը՝ Sputnik / Aleksey Nikolskiy

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter