Քաղաքաշինության, տեխնիկական և հրդեհային անվտանգության տեսչական մարմինը տեղեկացնում է, որ այսօր՝ հոկտեմբերի 15-ին, իրականացվել են խստացված գրաֆիկով վերահսկողական աշխատանքներ Պարեկային ծառայության և Առողջապահական և աշխատանքի տեսչական մարմնի հետ Երևանի էրեբունի վարչական շրջանում։

Covid-19-ի հակահամաճարակային կանոնների պահպանման մակարդակը մշտադիտարկվել է Էրեբունի վարչական շրջանով ուղևորափոխադրում կատարող 75 տրանսպորտային միջոցներում։ Տեսչական մարմնի տրանսպորտային մասնագետները դիմակ չկրելու 6 խախտում են հայտնաբերել։ Դրանց վերաբերյալ կազմվել են վարչական արձանագրություններ։ 

Հանրային տրանսպորտի նկատմամբ վերահսկողությունը առաջիկա հանգստյան օրերին  ևս կշարունակվի։