Արմավիրի մարզի Ֆերիկ գյուղում այսօր տեղի են ունենում ավագանու ընտրություններ: Գյուղն ամբողջությամբ եզդիաբնակ է և համայնքների խոշորացման ծրագրում ներառված չէ: Գյուղն ունի մոտ 450 բնակիչ։

Տեղամասային ընտրական հանձնաժողովի անդամ Մկրտիչ Ղուկասյանը կատակում է, որ բնակիչներին «էստի համեցեք»-ով է պետք ընտրության բերել:

Գյուղում մարդիկ շարունակում են զբաղվել իրենց առօրյա գործերով, ոմանք էլ նույնսիկ տեղյակ չեն, որ այսօր ՏԻՄ ընտրություններ են:

Ընտրողների թիվը ըստ ցուցակի՝ 269 է։ 15:00-ի դրությամբ մասնակցել է ընդամենը 31 քաղաքացի:

Հանձնաժողովի անդամները ձանձրույթը փորձում են ցրել տարբեր քննարկումներով:

Արծվիկ Դավթյան, Անուշ Մկրտչյան