«Զվարթնոց» օդանավակայաում ռումբ չի հայտնաբերվել, ահազանգը կեղծ է եղել: Օդանավակայանի մամուլի քարտուղար Գեւորգ Աբրահամյանը «Հետքին» տեղեկացրեց, որ օդանավակայանն արդեն սկսել է աշխատել իր բնականոն ռեժիմով:

Հիշեցնենք, որ Ժամը 15.42-ին ԱԻՆ Ճգնաժամային կառավարման կենտրոնում Երևանի Կենտրոն ոստիկանության հերթապահ մասից տեղեկատվություն է ստացվել, որ անհայտ քաղաքացուց (30-35 տարեկան տղամարդ, քաղաքային հեռախոսից, որի համարը հայտնի է) ահազանգի համաձայն «Զվարթնոց» օդանավակայանում ռումբ է տեղադրված: Օդանավակայանի տարածքը շրջափակված էր, իրականացվել էր մարդկանց տարահանում, և ընթանում էին որոնողական աշխատանքներ:

Ոստիկանությունը տեղեկացնում է, որ ձեռնարկվում են միջոցառումներ կեղծ ահազանգի հեղինակի ինքնությունը պարզելու և հայտնաբերելու ուղղությամբ: