HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արմեն Միրզոյան

Instagram-ն օգտատերերին համատեղ հրապարակումներ անելու հնարավորություն կտա

Instagram-ի օգտատերերը հնարավորություն կունենան անելու համատեղ հրապարակումներ։ Այդ մասին հայտնում է The Verge-ը։ Collabs անունն ստացած նոր գործիքը երկու օգտատերերի հնարավորություն կտա համատեղ խմբագրելու հրապարակումը և Reels հոլովակը։ Դրա համար անհրաժեշտ կլինի, որ օգտատերերից մեկը մյուսին հրավիրի նշումների (թեգերի) ավելացման հատվածում։ 

Հրապարակումը տեսանելի կլինի երկու օգտատերերի հետևորդներին, իսկ մեկնաբանությունները ևս կլինեն ընդհանուր։ 

Instagram-ում ևս մեկ նորամուծություն կդառնա հավելվածի վեբ տարբերակում հրապարակումների ստեղծման հնարավորությունը։ Նորամուծությունները հասանելի կլինեն առաջիկա օրերին։ 

Վերջին մի քանի շաբաթվա ընթացքում սա կդառնա Instagram-ի երկրորդ խոշոր թարմացումը։ Այս տարվա հոկտեմբերի սկզբին սոցիալական ցանցը հրաժարվել էր IGTV-ից՝ հիմնական տարածքում հրապարակվող հոլովակների տևողությունը 1 րոպեից հասցնելով 1 ժամի։

Լուսանկարը՝ Instagram-ի

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter