Քաղաքաշինության, տեխնիկական և հրդեհային անվտանգության տեսչական մարմինը հոկտեմբերի 21-ին մշտադիտարկել է Երևանի Կենտրոն և Քանաքեռ-Զեյթուն վարչական շրջանների հանրային տրանսպորտը։

Հակահամաճարակային կանոնների պահպանման նպատակով, առավոտյան ժամերին կատարված վերահսկողության արդյունքում, ըստ տեսչական մարմնի հաղորդագրության, մշտադիտարկվել է ուղևորափոխադրում կատարող 297 տրանսպորտային միջոց, հայտնաբերվել է խախտման 26 դեպք։ Դրանց վերաբերյալ կազմվել են վարչական արձանագրություններ։