Տրանսպորտի և կապի նախարար Մանուկ Վարդանյանն առայժմ չի մանրամասնում, թե որն է իր` ինքնաբացարկ հայտնելու իրական պատճառը: «Ընտրություններից հետո ես ձեր բոլոր հարցերին կպատասխանեմ: Իմ որոշումը կապված է կուսակցության այն որոշման հետ, որ պետք է աջակցեմ համամասնական ցուցակին»,- երեկ լրագրողներին ասաց նախարարը:

Ըստ նրա` որպես կարգապահ մարդ` պարտավոր էր հետևել իր կուսակցության որոշմանը: «Դե կարգապահ մարդ չե՞ք տեսել, այ մարդ: Կուսակցությունն ըտենց ա որոշում, ըտենց ենք անում»,- ասաց նա` միաժամանակ հավելելով, որ նեղացած չէ ՕԵԿ-ից և առայժմ չի պատրաստվում դուրս գալ կուսակցության շարքերից:

«Ումի՞ց նեղանամ, ինձ էդքան հե՞շտ ա նեղացնելը: Շատ էլ ընենց խելոք ու համեստ եմ խոսում, բայց ինձ հեշտ չի նեղացնելը»,- ասաց Մանուկ Վարդանյանը: