«Հայաստան» խմբակցության պատգամավոր Դավիթ Սեդրակյանը պատգամավորական մանդատից հրաժարվելու դիմում է ներկայացրել: Այս մասին «Հետքի» հետ զրույցում ասաց խմբակցության պատգամավոր Գեղամ Մանուկյանը:

Ըստ Մանուկյանի՝ մանդատից հրաժարվելը Դավիթ Սեդրակյանի անձնական որոշումն է:

 «Հայաստան» դաշինքի ցուցակի հաջորդ համարներն են Առուշ Առուշանյանը (վերջինիս գլխավորած դաշինքը հաղթել է Գորիսի ավագանու ընտրություններում), ապա Ասպրամ Կրպեյանը՝ Թաթուլ Կրպեյանի դուստրը:

Նշենք, որ պատգամավորը մանդատից հրաժարվելու դիմում ներկայացնելուց հետո, ըստ ԱԺ կանոնակարգ օրենքի, յոթնօրյա ժամկետում իրավունք ունի հետ վերցնել իր դիմումը:

Հիշեցնենք նաև, որ Դավիթ Սեդրակյանը ՀՀԿ-ական նախկին պատգամավոր Մհեր Սեդրակյանի որդին է: